BINTANGOR: Raban bomba udah ngena timpuh 22 minit meresika bekau minyak siuh ba Jalai Kelupu, Sungai Jabai ditu, kemari.
Ketuai Balai Bomba enggau Penyelamat Bintangor Nicholas Belulin madah, raban bomba udah nerima ripot bekaul enggau penusah tu urung pukul 7:55 pagi.
“Pengudah nerima ripot tu, raban bomba udah datai ke palan penusah nyadi ti dalam empat kilometer ari balai.
“Lebuh datai ba palan tu, bala bomba ti datai meda bisi minyak siuh tu laban hos hidraulik sebuah perengka pengangkut besai ti pechah.
“Minak siuh tu udah ngujungka jalai sekut urung 20 meter,” ku Nicholas.
Bepelasarka gaya ti nyadi tu, ku Nicholas, raban bomba udah naburka abuk kayu dikena meresika minyak ba jalai nya.
“Pia mega raban bomba meresika bekau minyak tu ngena ai ari tangki simpan perengka pengangkut bomba.
“Nadai sebarang insiden ti dikeenggaika nyadi laban penusah tu,” ku iya nambah.